काठमाडौं । नेकपा (एमाले)को खनाल–नेपाल समूहबाट ओली समूहमा लागेका नेता विष्णु रिजालले विदेश विभाग उपप्रमुखको जिम्मेवारी पाएका छन् ।

पूर्वमहासचिव तथा वरिष्ठ नेता माधवकुमार नेपाल प्रमुख रहेको विदेश विभागमा उपप्रमुखको जिम्मेवारी सम्हालेका रिजाल गुट परिवर्तन गर्दा केन्द्रीय सदस्य राजन भट्टराईको उपप्रमुख बनेका हुन् ।

आज बालुवाटारमा बसेको महाधिवेशन आयोजक कमिटीको बैठकले नेताहरुको जिम्मेवारी बाँडफाँड गर्दै रिजाललाई दैलेख जिल्लाको सहइन्चार्ज र विदेश विभाग उपप्रमुखको जिम्मेवारी दिएको हो । विदेश विभाग प्रमुखको जिम्मेवारी प्रधानमन्त्री केपी शर्मा ओलीका परराष्ट्र सल्लाहकारसमेत रहेका भट्टराईलाई दिइएको छ ।

तत्कालीन नेकपामा नेता माधवकुमार नेपाल विदेश विभाग प्रमुख थिए । रिजाल उक्त विभागको उपप्रमुख थिए ।