खेल
काठमाडौं । नेपाल सुपर लिग (एनएसएल) क्लब धनगढी एफसीलाई दक्षिण कोरियाली कम्पनी ‘किया’ले साथ दिएको छ । धनगढीले बिहीबार किया नेपालसँग मुख्य प्रायोजनको सम्झौता गरेको हो ।
कार उत्पादन कम्पनीले धनगढी एफसीसँगको सम्झौतासँगै आफ्नो नयाँ लोगो पनि सार्वजनिक गरेको छ । धनगढी एफसीका सुवास शाही र किया नेपालका अनिश लामिछानेले सम्झौतापत्रमा हस्ताक्षर गरेका थिए ।
धनगढीले किरण चेम्जोङ र विशाल राई ‘बी’सहित अफ्रिकी मूलका दुई र स्थानीय दुई खेलाडीलाई भित्र्याएको छ । किरणले टिमको कप्तानी गर्नेछन् ।
धनगढीले विराटनगर सिटी फुटबल क्लबविरुद्ध आइतबार प्रतिस्पर्धा गर्दै एनएसएलको यात्रा थाल्नेछ । एनएसएल शनिबारदेखि दशरथ रंगशालामा सुरु हुँदै छ ।
प्रकाशित मिति: शुक्रबार, वैशाख १०, २०७८ ०९:५५
प्रतिक्रिया दिनुहोस्