लण्डन । बेलायती पत्रिका डेली मेल र मेल अनलाईनले सर्च इन्जिनको नतिजा हेरफेर गरेको आरोपमा गुगलविरुद्ध मुद्दा दायर गरेका छन् ।
अन्य पक्षलाई फाइदा पुग्ने गरी गुगलले अनलाईन विज्ञापन र समाचारमा राखिएका लिंकमा धेरै नियन्त्रण गरेको भन्दै न्यूयोर्कस्थित अदालतमा पत्रिकाले मुद्दा दायर गरेको हो ।
गुगललाई विज्ञापनका लागि पर्याप्त स्थान नबेच्ने प्रकाशकलाई उसले सर्च नतिजाको र्याङ्कीङमा दण्डित गर्ने गरेको पत्रिकाको आरोप छ ।
सन् २०२१ मा बेलायती शाही परिवारको समाचार सर्च रिजल्टमा पछाडी परेपछि पत्रिकाले यस विषयमा चासो देखाएको हो ।
अनलाईन विज्ञापन प्रविधि उपयोग गरेपछि डेलि मेलको सर्च भिजिविलिटी घटेको पत्रिकाका सम्पादक पिटर राईटको दाबी छ ।
डेली मेलको अनलाईन साइट मेलअनलाईन विश्वमा सबैभन्दा धेरै पढीने वेवसाइट हो । बेलायतमा मात्र यसका मासिक ७५ लाख नयाँ भिजिटर रहेका जनाइएको छ ।
तर गुगलले भने पत्रिकाको आरोप पूर्ण रुपमा असत्य रहेको भन्दै आरोपको खण्डन गरेको छ ।