राजनीति
काठमाडौं । नेपाल कम्युनिस्ट पार्टी (माओवादी केन्द्र)ले प्रधानमन्त्री केपी शर्मा ओली नेतृत्वको सरकारलाई हटाएर नयाँ सरकार गठनका विषयमा अन्य दलसँगको छलफललाई तीव्रता दिने निर्णय गरेको छ ।
आज बसेको स्थायी कमिटी बैठकबारे जानकारी दिँदै नेता नारायणकाजी श्रेष्ठले अर्को सरकार बनाउने विषयमा पहल गर्ने निर्णय गरेको छ । उनले यसबारे छिट्टै निर्णय लिइने पनि बताए ।
“प्रतिगामी सरकारलाई हटाएर संविधान र लोकतन्त्र पक्षधरको सरकार बनाउने सन्दर्भमा अहिलेसम्म भइरहेको वार्ता र संवादलाई तीव्र रुपमा घनीभूतता दिने र एउटा निर्णय लिने निष्कर्षमा पार्टी पुगेको छ,” श्रेष्ठले भने ।
माओवादीले सरकारलाई दिएको समर्थन भने कायमा नै राखेको छ ।
प्रकाशित मिति: मंगलबार, वैशाख ७, २०७८ १७:०१
प्रतिक्रिया दिनुहोस्