बाह्रखरी
sticky  ncell
खेल प्रतिक्रिया दिनुहोस्
कुशल र दीपेन्द्रको अर्धशतकमा नेपालले दियो नेदरल्यान्ड्सलाई २०७ रनको लक्ष्य 
बाह्रखरी - मंगलबार, वैशाख ७, २०७८
Laxmi Bank
Laxmi Bank

काठमाडौं । कुशल भुर्तेल र दीपेन्द्रसिंह ऐरीको अर्धशतकको सहयोगमा  त्रिकोणात्मक टी–ट्वान्टी क्रिकेट सिरिजअन्तर्गत नेपालले नेदरल्यान्ड्ससामु २०७ रनको बलियो लक्ष्य प्रस्तुत गरेको छ ।

मंगलबार कीर्तिपुरस्थित त्रिवि अन्तर्राष्ट्रिय क्रिकेट मैदानमा टस जितेर पहिला ब्याटिङ गरेको नेपालले निर्धारित २० ओभरमा ६ विकेट गुमाउँदै २०६ रन बनायो ।

दोस्रो ओभरको अन्तिम बलमा आफ्नो पहिलो विकेट गुमाएको नेपालका लागि ज्ञानेन्द्र मल्ल र कुशलले इनिङ सम्हालेका थिए ।

Rohto Landing

Agani Group

नेपालका लागि ओपनरमा आएका आसिफ शेख खाता खोल्न नपाउँदै आउट भए । उनी दोस्रो ओभरको अन्तिम बलमा भिमिङ किममाङको बलमा क्याच आउट भएका थिए । उनलाई किममाङको बलमा कोकेपले क्याच आउट गरेका हुन् ।

नेपालले सातौँ ओभरको अन्तिम बलमा आफ्नो दोस्रो विकेट गुमाएको थियो । नेपालका लागि तेस्रो नम्बरमा ब्याटिङ गर्न आएका ज्ञानेन्द्र मल्ल २० रन बनाएर आउट भए ।

sarbottam cement

उनी सातौँ ओभरको अन्तिम बलमा पिटर सेलरको बलमा क्याच आउट भए । पिटरले फालेको बलमा डी लेडले क्याच आउट गरेका थिए ।

नेपालले आफ्नो तेस्रो विकेट रुपमा कुशल भुर्तेललाई गुमाएको थियो । कुशलले ६२ रनको योगदान गरे । उनलाई भिभिन किम्जाले क्याच आउट गराए । किम्जाले फालेको बलमा डी लिडले क्याच आउट गरे ।

नेपालका लागि दीपेन्द्रसिंह ऐरी ६० रन बनाउँदै पेवेलियन फर्किए । उनी १६ ओभरको तेस्रो बलमा क्याच आउट भएका थिए । पिटर सेलरले उनलाई क्याच आउट गराए । पिटरको बलमा भिसेसले क्याच गरेका थिए ।

नेपालले १६ ओभर ४ बलमा आफ्नो पाँचौँ विकेट गुमायो । नेपालका कुशल मल्ल सात बलमा १८ रन बनाउँदै पेवेलियन फर्किए । उनी आर्यन डटको बलमा क्याच आउट भए । डटको बलमा भान मेकरनले क्यच आउट गरेका थिए ।

१६ ओभरको अन्तिम बलमा नेपालले करण केसीको रुपमा आफ्नो छैटौँ विकेट गुमायो । करण खाता नखोलेरै आउट भए ।

नेपालका लागि विनोद भण्डारीले सात रन बनाउँदा सोमपाल कामीले २१ रनको योगदान गरे ।

यसअघिका दुई खेलमा जित निकालेको नेपाल आजको खेलमा पनि सहज जित हासिल गर्ने योजनामा छ । नेपालले शनिबार भएको पहिलो खेलमा नेदरल्यान्ड्सलाई ९ विकेटले पराजित गरेको थियो । दोस्रो खेलमा पनि नेपालले मलेसियालाई ९ विकेटले हराएको थियो ।

Nepal Investment bank
Sunrise bank
Nepal Investment bank
Sunrise bank
मंगलबार, वैशाख ७, २०७८ मा प्रकाशित
Dishhome
Dishhome
प्रतिक्रिया दिनुहोस्