काठमाडौं । सुदूरपश्चिम तथा कर्णाली प्रदेशका केही स्थानसहित  बाँकी प्रदेशका पहाडी भू–भागका एक/दुई ठाउँमा आज अपराह्न्न  पछि मेघगर्जन/चट्टयाङ्ग/हावाहुरी/असिनासहित क्षणिक वर्षाको सम्भावना रहेको छ ।

सुदूरपश्चिम प्रदेश, कर्णाली, गण्डकी तथा लुम्बिनी प्रदेशमा आंशिक देखि सामान्य बदली रही बाँकी भू–भागमा आंशिक बदली रहने जल तथा मौसम विज्ञान विभागले जनाएको छ । 

यस्तै आज राति सुदूरपश्चिम तथा कर्णाली प्रदेशका केही स्थान र बाँकी प्रदेशका पहाडी भू–भागका एक दुई स्थानमा मेघगर्जन/चट्टयाङ्ग/हावाहुरी/असिनासहित क्षणिक वर्षाको सम्भावना रहेको छ ।

मेघगर्जन/चट्टयाङ्ग/हावाहुरसहित वर्षाको सम्भावना रहेकाले आवश्यक सतर्कता अपनाउन विभागले आग्रह गरेको छ ।