काठमाडौं । नेपाली कांग्रेसका नेता डा. शेखर कोइरालाले सर्वदलीय बैठकमा कांग्रेस महाधिवेशनका विषयमा भएको वार्ताप्रति आपत्ति जनाएका छन् ।
शनिबार भएको वार्तामा कांग्रेस महाधिवेशनका विषयमा छलफल भएको छ र प्रधानमन्त्रीले अधिवेशन सार्न कानुनी प्रबन्ध गर्ने आसयको अभिव्यक्ति दिएको भन्दै ट्वीटरमार्फत आपत्ति प्रकट गरेका हुन् ।
“प्रधानमन्त्री निवासमा सर्वदलीय बैठक हुँदा कांग्रेसको महाधिवेशनका विषयमा छलफल हुनु असान्दर्भिक कुरा हो,” डा. शेखरले बाह्रखरीसँग भने, “प्रधानमन्त्रीको निवासमा भएको सर्वदलीस्य बैठकमा विपक्षी दल कांग्रेस पार्टीको महाधिवेशनका बारेमा कुरा हुनु र प्रधानमन्त्रीले कांग्रेसको महाधिवेशन सर्न सक्ने भन्ने आशयको कुरा राख्नु् दुर्भाग्य हो ।”
उनले महाधिवेशन कांग्रेसले गर्ने भन्दै त्यसमा कसैको पनि स्वार्थ स्वीकार्य नहुने बताए ।
“महाधिवेशन कांग्रेस पार्टीले गर्ने हो । यसमा कसैको अमूर्त स्वार्थ स्वीकार्य हुँदैन,” कोइरालले ट्वीटमा समेत लेखेका छन् ।