काठमाडौं । नेकपा एमालेका अध्यक्ष तथा प्रधानमन्त्री केपी शर्मा ओलीले छिटो निर्वाचनमा जानूपर्ने बताएका छन् । आजको केन्द्रीय कमिटी बैठकमा ओलीले प्रस्तुत गरेको प्रतिवेदनमा छिटो निर्वाचनमा जानुपर्ने सम्भावना बढेको भन्दै तयार रहनुपर्ने उल्लेख छ ।

" प्रतिनिधिसभाले पूर्ण कार्यकाल पूरा गर्न पायो भने पनि आगामी २० महिनाभित्रै नयाँ निर्वाचन हुने छ । स्थानीय तहको निर्वाचन त आगामी वर्षका लागि निर्धारित नै छ । त्यसैले सहज अवस्थामै पनि निर्वाचनको तयारीमा लाग्नु पर्ने आवश्यकता छ । तर मुलुकको तरल राजनीतिक कारण हामी छिटो निर्वाचनमा जानु पर्ने संभावना पनि बढ्दै गएको छ । यसका लागि हामीले हाम्रो पंक्तिलाई हमेशा तयारी अवस्थामा राख्नु पर्छ," प्रतिवेदनमा भनिएको छ ।