काठमाडौं । प्रधानमन्त्री केपी शर्मा ओलीले सोमबार बिहान मन्त्रिपरिषद् बैठक बोलाएर कोरोना संक्रमणको जोखिम बढेको भन्दै २५ जनाभन्दा बढी भेला हुन नपाउने, अनलाइन कक्षा चलाउने, पार्टी प्यालेस, जिमहललगायतमा सरकारको मापदण्ड पालना गर्नुपर्नेलगायतका निर्णय गराए ।

त्यसको तीनघण्टा पनि बित्न नपाउँदै सय बढी सदस्यको बैठक ओलीले बालुवाटारमै राखे ।

प्रधानमन्त्री निवास बालुवाटारमै भएको बैठकको तस्बिर सार्वजनिक भएपछि सामाजिक सञ्जालमा आलोचना सुरू भएको छ ।

नेकपा एमाले ओली समूहको केन्द्रीय कमिटी बैठक बालुवाटारमा जारी छ । जहाँ सय बढी सदस्य उपस्थित भएका छन् ।