काठमाडौं । त्रिकोणात्मक टी–ट्वान्टी आई सिरिज अन्तर्गत अहिले मलेसिया र नेपालले प्रतिस्पर्धा गरि रहेका छन् । कीर्तिपुरस्थित त्रिवि अन्तर्राष्ट्रिय क्रिकेट मैदानमा टस जितेर पहिले बलिङ गरि रहेको नेपालका लागि करण केसीले पहिलो विकेट लिएका छन् ।
उनले दोस्रो ओभरको चौथो बलमा विकेट लिएका हुन् । उनले अनओर उदिनलाई ८ रनमा आउट गराएका हुन् । नेपालले आजको खेलमा एक परिवर्तन गरेको छ ।
नेपालका आरिफ शेखको स्थानमा कुशल मल्ल आउने भएका छन् । आजको खेलमा जित निकाल्दै नेपाल आफूलाई बलियो बनाउने योजनामा छ ।
नेपालले शनिबार भएको पहिलो खेलमा नेदरल्यान्ड्सलाई ९ विकेटले पराजित गरेको थियो ।
यता मलेसिया आफ्नो पहिलो खेलमा नेदरल्यान्ड्सँग १५ रनले पराजित भएको थियो । नेपाल र मलेसियाबीचको हालसम्मको नतिजा हेर्दा नेपाल बलियो मानिएको छ ।