राजनीति
काठमाडौं । सत्तारूढ नेपाल कम्युनिस्ट पार्टी (एमाले)को दशौँ आयोजक कमिटीको पहिलो बैठकामा खनाल–नेपाल समूहका नेता विष्णु रिजाल सहभागी भएका छन् । रिजाल झलनाथ खनाल र माधवकुमार नेपाल समूहमा थिए ।
प्रधानमन्त्रीको सरकारी निवास बालुवाटारमा बोलाइएको बैठकमा रिजाल सहभागी भएका हुन् ।
आजको बैठकमा पार्टी महासचिव पोखरेलले तयार पारेको स्थायी कमिटी सदस्यहरूको मनोनयनसम्बन्धि प्रस्ताव र पार्टी उपमहासचिव विष्णु पौडेलले तयार पारेको केन्द्रीय सदस्यहरूको कार्यविभाजन सम्बन्धि प्रस्तावमाथि छलफल हुने बताइएको छ ।
यसका अतिरिक्त पार्टी अध्यक्षले पेस गर्ने राजनीतिक प्रतिवेदनमाथि छलफल गर्ने कार्यसूची रहेको छ ।
प्रकाशित मिति: सोमबार, वैशाख ६, २०७८ १३:०५
प्रतिक्रिया दिनुहोस्