काठमाडौं । प्रिमियर लिग फुटबलमा म्यानचेस्टर युनाइटेडले सहज जित निकालेको छ । उपाधि होडमा आफूलाई कायम राख्ने क्रममा युनाइडेडले जित निकाल्न सफल भएको हो ।
आइतबार राति भएको खेलमा युनाइटेडले बर्नलीलाई ३–१ गोल अन्तरले पराजित गरेको हो ।
युनाईटेडलाई जित दिलाउन मासन ग्रीनउडले खेलको ४८ औं मिनेटमा गोल गर्दै टिमलाई अग्रता दिलाए ।
खेलको ५० औं मिनेटमा जेम्सले बर्नलीका लागि बराबरी गोल फर्काए । ८४ औं मिनेटमा ग्रीनउडले ब्यक्तित दोस्रो गोल गर्दै टिमलाई जिततर्फ लिए ।
खेलको इन्जुरी समयमा एडिन्सन काभानीले गोल गर्दै टिमलाई ३–१ गोलको जित दिलाए ।
जितसँगै युनाइटेडले ३२ खेलबाट ६६ अंक जोडेर लिगको दोस्रो स्थानमा उक्लिएको छ ।
पराजित बर्नली ३३ अंक जोडेर १७ औं स्थानमा छ ।