खेल
काठमाडौं । इटालियन सिरी ए फुटबलमा युभेन्ट्स पराजित भएको छ । आइतबार भएको खेलमा युभेन्ट्स एटलान्टासँग १–० गोल अन्तरले पराजित भएको हो ।
एटलान्टालाई जित दिलाउन मालिनभिस्कोले निर्णायक गोल गरे । पहिलो हाफ गोलरहित बराबरी खेलेको एटलान्टाले दोस्रो हाफमा एक गोल गरेको हो ।
खेलको ८७ औं मिनेटमा मालिनभिस्कोले गोल गर्दै टिमलाई जित दिलाएका हुन् । आजको जितसँगै एटलान्टा लिगको तेस्रो स्थानमा उक्लिएको छ ।
लिगमा ३१ खेल खेलेको एटलान्टाले ६४ अंक जोडेको छ । पराजित युभेन्ट्स ६२ अंकसहित अंक तालिकाको चौंथो स्थानमा छ ।
आइतबारको खेलमा युभेन्ट्सका कुनै पनि खेलाडीले प्रभाव छोड्न भने सकेनन् ।
प्रकाशित मिति: आइतबार, वैशाख ५, २०७८ २३:०७
प्रतिक्रिया दिनुहोस्