काठमाडौं । पन्जाब किंग्सले इन्डियन प्रिमियर लिग (आइपिएल) को ११ औं खेलमा दिल्ली क्यापिटल्सलाई १ सय ९६ रनको लक्ष्य दिएको छ ।
वानखडे स्टेडियम मुम्बईमा टस हारेर पहिले ब्याटिङकाे निम्ताे पाएकाे पन्जाबले निर्धारित २० ओभरमा ४ विकेट गुमाउँदै १ सय ९५ रन बनायो ।
पन्जाबका लागि मयंक अग्रवालले ६९ रनको अर्धशतकीय पारी खेले । उनले ३६ बलमा ७ चौका र ४ छक्कासहित सर्वाधिक ६९ रन प्रहार गरे ।
पन्जाबका कप्तान लोकेश राहुलले ५१ बलमा ७ चौका र २ छक्का सहित ६१ रन बनाए ।
दिपक हुडा २२ रनमा अविजित रहे । उनले बलमा १३ बलमा २ छक्कासहित २२ रन बनाए । शारुख खान ५ बलमा २ चौका र १ छक्का सहित १५ रनमा अविजित रहे ।
यस्तै, क्रिस गेल ९ बलमा एक छक्कासहित ११ रन बनाए । निकोलस पुरनले ८ बलमा १ चौकासहित ९ रन जोडे ।
वलिङतर्फ दिल्लीका लुकमन मेरीवाला, कगिसो रवाडा, आवेश खान र क्रिस वोक्सले समान एक–एक विकेट लिए ।