काठमाडौं । रोयल च्यालेन्जर्स बेंग्लोरले ईन्डियन प्रिमियर लिग (आईपीएल) टी–ट्वान्टी क्रिकेटमा लगातार तेस्रो जित निकाल्लेको छ । आइतबार साँझ कोलकत्ता नाइट राइडर्सलाई ३८ रनले पराजित गर्दै बेंलोरले तेस्रो जित निकालेको हो ।
बेंग्लोरले दिएको २ सय ५ रनको लक्ष्य पछ्याएको कोलकत्ताले २० ओभरमा ८ विकेट गुमाउदै १ सय ६६ रन बनायो ।
कोलकत्ताका लागि आन्द्रे रसेलले सर्वाधिक ३१ रन बनाए । उनले २० बलमा ३ चौका र २ छक्का प्रहार गरे । शाकिब अल हसन २५ बलमा एक चौका र एक छक्का २६ रन बनाए । ओईन मर्गन २३ बलमा १ चौका र २ छक्का सहित २९ रन जोडे ।
प्याट कमिन्स दुइ बलमा एक छक्का प्रहार गर्दै आउट भए । नितिश राणाले ११ बलमा २ चौका र १ छक्काको मद्दतले १८ रन बनाए । राहुल त्रिपाठीले २० बलमा ५ चौका सहित २५ रन जोडे ।
शुभमन गिलले ९ बलमा २ चौका र २ छक्काको मद्दतले २१ रन जोडे । अन्य खेलाडीले राम्रो प्रर्दशन गर्न सकेनन् ।
बलिङ्तर्फ बेंग्लोरका काइल जेमिसनले सर्वाधिक तीन विकेट लिए । युजवेन्दर चहर र हर्षल पटेलले दुई–दुई विकेट लिए । वासिंगटन सुन्दर एक विकेट लिए ।
यसअघि टस जितेर ब्याटिङ गरेको बेंग्लोरले २० ओभरमा ४ विकेट गुमाएर २ सय ४ रन बनायो । एवी डी भिलियर्सले ७६ रनको अर्धशतक प्रहार गरे । उनले ३४ बलमा ९ चौका र ३ छक्का सहित अविजित ७६ रन बनाए । ग्लेन म्याक्सवेलले ७८ रनको अर्धशतकीय पारी खेले । उनले ४९ बलमा ९ चौका र ३ छक्का प्रहार गरे ।
काइल जेमिसन ४ बलमा एक चौका र एक छक्का सहित अविजित ११ रन जोडे ।
देवदत्त पाडिक्कल २८ वलमा २ चौकासहित २५ रन बनाए । कप्तान विराट कोहलीले ६ बलमा एक चौका सहित ५ रन जोडे । रजत पाटीदारले एक रनमै आउट भए ।
बलिङतर्फ कोलकत्ताका स्पिनर वरुण चक्रवर्तीले २ विकेट लिए । प्रसिद्ध कृष्णा र प्याट कमिन्सले समान एक–एक विकेट लिए ।
जितसँगै बेंग्लोर ६ अंकका साथ शीर्ष स्थानमा उक्लिएको छ ।