काठमाडौं । एफसी चितवनले सर्बियन मूलका फ्रेन्च स्ट्राइकर गोरान जेर्काेभिचलाई अनुबन्ध गरेको छ । चितवनले आइतबार जेर्काेभिचलाई अनुबन्ध गरेको जनाएको हो ।

चितवनले आफ्नो आधिकारिक फेसबुक पेजमार्फत ३४ वर्षीय जेर्काेभिचलाई अनुबन्ध गरेको जनाएको छ । जेर्काेभिचको आगमनसँगै चितवनको विदेशी कोटा समेत पूरा भएको छ ।

यसअघि, क्लबले इजिप्टका दुई खेलाडी अनुबन्ध गरेको थियो । चितवनले इजिप्टका अहमेद मोहम्मेद गबला र अल सायद शाबनलाई अनुबन्ध गरेको हो ।

राष्ट्रिय खेलाडी भरत खवास मार्की खेलाडी रहेको चितवनको मुख्य प्रशिक्षकमा मेघराज केसी र सहायक शैलेश कर्माचार्य रहेका छन् । जेर्कोभिच सेन्टर फरवार्ड हुन् ।