काठमाडौं । त्रिकोणात्मक टी–ट्वान्टी क्रिकेट सिरिज अन्तर्गत आज (आइतबार)  मलेसियाले नेदरल्यान्ड्ससँग खेल्दैछ । 

त्रिवि अन्तर्राष्ट्रिय क्रिकेट मैदानमा नेदरल्यान्ड्स र मलेसियाबीचको खेल अपरान्ह १२ः१५ बजे सुरु हुनेछ ।

आजको खेलमा दुबै टोली जित निकाल्ने योजनामा रहेका छन् । पहिलो खेलमा पराजित भएको नेदरल्यान्ड्सलाई आजको खेलमा जित निकाल्नुपर्ने दबाब छ । 

नेदरल्यान्ड्स पहिलो खेलमा नेपालसँग ९ विकेटले पराजित भएको थियो । आजको खेलमा नेदरल्यान्ड्स जित निकाल्दै प्रतियोगितामा फाइनल प्रवेशका लागि आफूलाई बलियो बनाउने योजनामा छ । 

यता मलेसिया आजको खेलमा जित निकाल्दै आफूलाई बलियो अवस्थामा पुर्‍याउने योजनामा रहेको छ ।  डबल राउण्ड रोबिनको आधारमा हुने सिरिजको शीर्ष दुई टिमले उपाधिका लागि खेल्नेछन् ।