काठमाडौं । युवा लेग स्पिनर सन्दीप लामिछानेले त्रिकोणात्मक टी–ट्वान्टी सिरिजअन्तर्गत नेदरल्यान्ड्सविरुद्धको खेलमा नेपालको लागि चौथो विकेट लिएका हुन् । आफ्नो दोस्रो विकेट लिने क्रममा सन्दीपले नेदरल्यान्ड्सका सेट ब्याट्सम्यान बास डेलेटलाई आउट गराए । उनी ४१ रनमा आउट भए ।

१७औँ ओभरको अन्तिम बलमा उनले बास डेलेटलाई क्याच आउट गराए । सन्दीपको बलमा कुशल भुर्तेलले क्याच आउट गरेका हुन् ।

यसअघि, नेपालका लागि शाहब आलमले तेस्रो विकेट लिएका थिए । उनले १३औँ ओभरको पाँचौँ बलमा स्कोट एन्डर्सलाई आउट गराएका हुन् । शाहावको बलमा आरिफ शेखले क्याच आउट गरेका थिए । स्कोटले ३० रन बनाए । उनले ब्यास डी लिडसँग ६१ रनको साझेदारी गरेका थिए ।

यसअघि, नेपालले लगातार दुई विकेट लिएको थियो । त्रिवि क्रिकेट मैदानमा टस जितेर पहिले बलिङ गरेको नेपालका लागि सन्दीप लामिछानेले पहिलो विकेट लिएका थिए । सन्दीपले दोस्रो ओभरको अन्तिम बलमा म्याक्स डोयनको विकेट लिएका हुन् । उनी १० रन बनाएर आउट भए ।

त्यस्तै, तेस्रो ओभर बलिङ गर्न आउका सोमपाल कामीले दोस्रो विकेट लिए । उनले ओभरको पाँचौँ बलमा वेन चोपेरको विकेट लिए ।