काठमाडौं । प्रिमियर लिग क्लब म्यानचेस्टर युनाइटेड युरोपा लिग फुटबलको सेमिफाइनलमा प्रवेश गरेको छ । बिहीबार राति भएको क्वाटरफाइनलको दोस्रो लेगमा ग्रानडालाई २–० ले पराजित गर्दै युनाइटेड अन्तिम चारमा प्रवेश गरेको हो ।
युनाइटेडले स्पेनिस क्लब ग्रानडामाथि समग्रमा ४–० गोल अन्तरको जित निकालेको हो । युनाइटेडले पहिलो लेगमा २–० को जित निकालेको हो ।
युनाइटेडको घरेलु मैदानमा भएको खेलमा युनाइटेडलाई जित दिलाउन एडिन्सन काभानी र जिसुस भिलाजोले एक एक गोल गरे । युनाइटेडले काभानीको गोलबाट खेलको छैटौं मिनेटमा अग्रता बनाएको थियो ।
खेलको इन्जुरी समयमा जेसस भालेजुले आत्मघाती गोल गरेपछि युनाइटेडले २–० को जित निकाल्यो ।
अब युनाइटेडले सेमिफाइनलमा इटालियन क्लब रोमासँग खेल्नेछ ।