सीएनएन । क्यानेडियन गायक जस्टिन बिबरले आफू कसरी एक बदमास बच्चाबाट सुध्रिएको चरित्रमा परिर्वतन भएँ भन्नेबारे प्रष्ट पारेका छन् । सीक्यू म्यागजीनलाई दिएको अन्तर्वार्तामा २७ वर्षिय गायक बिबरले लागुऔषधको लतमा फसेकोदेखि श्रीमती हेली बाल्डविन र क्रिसचियन धर्मसँगको सम्बन्ध विकासको बारेमा पनि बताएको सीएनएनले उल्लेख गरेको छ ।
 
“मेरो साथमा मैले माया गर्ने मेरी श्रीमती छिन्, जसले मलाई सहज महसुस गराउँछिन् । मलाई लाग्छ प्रभुसँग मेरो सम्बन्ध उत्कृष्ट छ । मसँग यस्तो प्रेम छ जुन म मानिसमाझ बाँड्न चाहान्छु, तपाईंलाई थाहा छ ?”

उनी पछिल्लो केही वर्षमा यति नमज्जाले लागुऔषध दृव्र्यसनीमा फसे, बिबर ज्युँदै छन् कि छैनन् भनेर जाँच गर्न राति उनका गार्डहरु उनी सुतिरहेको बेला नाडी छाम्न आउँथे ।
 
“मैले यी सबै सफलता पाएको थिएँ । तर, पनि म दुःखमा र पीडामा छु जस्तो लागिरहन्थ्यो । मेरा अझै नसुल्झिएका मुद्दाहरु छन् । म सोचिरहन्थेँ सफलताले सबैकुरा ठीक गर्नेछ । लागुऔषध नै मेरो कदममा रोकावट बनिरहेको थियो ।”

उनले आफ्नो पहिलो सोलो गीत ‘वान टाइम’ सन् २००९ मा ल्याएका थिए, जुनबेला उनी मात्रै १५ वर्षका थिए । त्यसको केही वर्षमै उनी ग्लोबल स्टार बने । सन् २०१८ को नोभेम्बरमा उनले हेली बाल्डविनसँग विवाह गरेको बताएका थिए । त्यसको अर्को वर्ष नै उनले मानसिक स्वास्थ्यलाई ध्यान दिन संगीतबाट केही समय टाढा बस्ने निर्णय सुनाए । 

अन्तरवार्तामा उनले यी संघर्षका दिनहरु र रोगको बारेमा पनि कुरा गरेका छन् । बीबरले उनको छैठौं एल्बम ‘जस्टिस’ यही मार्चमा सार्वजनिक भएको हो । सीएनएन