काठमाडौं । काठमाडौंको नागार्जुन जङ्गलमा आगलागी भएको छ । बिहीबार राति चलेको हावाहुरीका कारण बिजुलीको तार सर्ट भएर आगलागी भएको स्थानीयले बताएका छन् ।

बालाजु हाइटको टौडल क्षेत्रमा पर्ने नागार्जुनको जङ्गलमा आगलागी भएको हो ।

अहिले नेपाली सेनाले आगो नियन्त्रणमा लिने प्रयास भइरहेको छ । तर, आगो झन् बढ्दै गएको छ । आगो नियन्त्रणका लागि दमकललाई बोलाइएको स्थानीय देवेन्द्र मानन्धरले जानकारी दिए ।

यसअघि गत आइतबार पनि नागार्जुन जङ्गलमा आगलागी भएको थियो ।

बिहीबार साँझ काठमाडौंमा हावाहुरी चलेको थियो । यस्तै, केही ठाउँमा हल्का वर्षा समेत भएको थियो ।

पछिल्लो समय देशका विभिन्न ठाउँमा आगलागी भइहरको छ ।