काठमाडौं । नेपालगन्ज उपमहानगरपालिकाले एक साताका लागि शैक्षिक संस्था बन्द गर्ने निर्णय गरेको  छ । शुक्रबारदेखि लागू हुनेगरी एक साता शैक्षिक संस्था बन्द गर्न लागिएको उपमहानगरले जनाएको छ । 

कोभिड १९–को संक्रमण बढ्दै गएपछि विपद् व्यवस्थापन समितिले उपमहानगरपालिका भित्रका विद्यालयहरू बन्द गर्ने निर्णय गरेको हो । बाँकेमा हिजो बुधबार एक सय २३ जना नयाँ संक्रमित थपिएका थिए । नेपालगञ्जका नगर प्रमुख डा. धवलशम्शेर राणा अध्यक्ष रहेको समितिको बैठकले जिल्लाका सबै शैक्षिक संस्था एक साताका लागि बन्द गर्न जिल्ला संकट व्यवस्थापन केन्द्र (डीसीसीएमसी) समक्ष प्रस्ताव लैजाने निर्णय समेत गरेको छ ।