काठमाडौं । स्मार्टफोन ब्रान्डले स्मार्ट, कम्प्याक्ट र पोर्टेबल ग्याजेट एमआई टीभी स्टिकको शुभारम्भको घोषणा गरेको छ । जसले कुनै पनि नन–स्मार्ट टीभीलाई स्मार्ट टीभीमा रुपान्तरण गर्ने लक्ष्य राखेको कम्पनीले जनाएको छ ।
एन्ड्रोइड टिभी ९.० द्वारा सञ्चालित एमआई टीभी स्टिकले गुगल प्लेमार्फत ५००० भन्दा माथि एप्स र गेम्सहरुको पहुँच प्रदान गर्ने जनाइएको छ ।
एक स्लिम र स्लिक डिजाइन भएको एमआई टीभी स्टिक कम्प्याक्ट र लाइटवेट डिजाइन (२८.५ ग्राम्स, ९२.४ ह ३०.४ मिलिमिटर) ले बनेको छ । प्रयोगकर्ताहरुले अब कुनै पनि टीभीमा पूर्ण एचडी रेजलुसनमा हजारौँ घण्टाको मिल्ने सामग्रीको मज्जा एमआई टीभी स्टिकलाई ३० सेकेन्डभन्दा कममा जडान गरेर लिन सक्ने कम्पनीले जनाएको छ ।
ग्याजेटमा सिनेमा जस्तो अनुभवको लागि डोल्बी र डीटीएस अडियो कम्प्रेसन टेक्नोलोजी पनि छ । यसका अतिरिक्त एमआई टीभी स्टिक क्वाड–कोर प्रोसेसरसहितको १ जीबी ¥याम र ८ जीबीको इन्टरनल स्टोरेज रहेको जनाइएको छ ।
शाओमी नेपालका जेनेरल म्यानेजर सौरभ कोठारीले यसले नन–स्मार्ट टीभी सेटहरुमा स्ट्रिमिङलाई अझ सुविधाजनक बनाउने बताए । “एमआई टीभी स्टिकको लन्चसँगै हामी उपभोक्ताहरुलाई स्मार्ट टीभी अनुभव प्रदान गर्नमा केन्द्रित छौँ । जसले ओटीटी सामाग्री उपभोग गर्नको लागि निरन्तर उपायहरु खोजिरहेका छन्,” उनले भने ।
एमआई टीभी स्टिक नेपालको अनलाइन र अफलाइन स्टोेरहरुमा पाइने र यसको मूल्य ६ हजार रहेको कम्पनीले जनाएको छ ।
