site stats
बाह्रखरी :: Baahrakhari
विचार
Nabil BankNabil Bank
Sarbottam CementSarbottam Cement
Ghorahi CementGhorahi Cement
जानेआउने वर्ष : के नयाँ के पुरानो ? 

छ दशकभन्दा बढी जिन्दगी बिताइयो । बुझेदेखि नयाँ वर्ष आयो भनियो । नयाँ अनुभूति के गरियो र जीवनमा, अमिट छाप के रह्यो ? याद छैन । नयाँ वर्षको नाममा धेरै रमाइयो, नाचियो । भोलिपल्ट ब्युँझिएर आँखा मिच्दै हेर्दा जे हिजो बित्यो र देखियो त्यसभन्दा नयाँ वा भिन्न आज आँखामा के पर्यो र ? 

नयाँ अनुभूति मलाई कहिल्यै भएन । उही काला जुँगा फुलेर सेता बढेछन्, कपाल छपक्कै खसेछन्, बस् । दुःख, सुखका अनुभूति सँगसँगै छन् नयाँ आओस् कि पुरानो जाओस् । पुरानो लुगा फेरेजस्तो, नयाँले अर्धनो भए पनि वर्ष दिन धाने हुन्थ्यो नि ।

त्यही पनि बीचैमा च्यातिन्छ, न सिउनु न टाल्नु ? मेरो वर्ष पनि त यस्तै हो ।  

Agni Group

नयाँ वर्ष अहिले विक्रम सम्वत्को नाममा आएको छ । कहिले ख्रिष्ट र नेपाल सम्बत् । अनि कहिले लोछारको नयाँ वर्ष । कहिले माघी भएर गुज्रन्छ नयाँ वर्ष । हाम्रो जीवनमा सधैँ भनेजस्तो नयाँ वर्ष आउँछ, खुसी दिएर जान्छ । त्यतिमात्रै होइन, बिर्सनै नसक्ने पीडा पनि दिएर जान्छ, सधैँ ।  सबैलाई यही सूत्र लागू हुन्छ भन्ने छैन । खुसीमात्रै होइन, धेरैलाई दुःखको आँसु झारेर पनि बित्छ होला दिन । आजै लमजुङका नानीहरु नदीमा डुबेर जीवन बिताएको खबर आयो । तिनका बाआमा र आफन्त, साथीलाई नयाँ वर्ष कस्तो भयो ? धेरै भन्नै परेन । आफैभित्रको घाउ, अरु दुःस्वप्न, दुर्घटनाको कुराले कति दुःखाउनु ? 

हामी सधैं समीक्षा गर्छौँ बितेको वर्षको र कामना गर्छौँ शुभ नयाँ वर्षको । के प्राप्ति, के बित्यो यही हो हाम्रो नयाँ वर्षको दिनचर्या । कथित नयाँ वर्ष न नयाँ छ न पुरानो । यो त हाम्रो आयुसँग जोडिने परम्पराको निरन्तरता मात्रै हो नि । यसरी भन्दा राम्रो लाग्दैन तर सत्य यही हो । के नयाँ के पुरानो ? सत्य चाहिं नयाँ वर्ष मृत्युको नजिक जीवन सर्नुमात्र हो । भनिन्छ नि, भ्रूणदेखि नै सुरु हुन्छ मृत्युको समिप जाने यात्रा । नयाँ वर्ष एकैछिन मृत्युलाई बिर्सिएर रमाउनुबाहेक भिन्न अरु के छ र ?

Global Ime bank

जीवन त यस्तै हो तर बितेको वर्षका घटना सम्झदै समीक्षा गर्दा अब आउने दिनको सम्भावना केलाउन हामीलाई जाँगर चल्दैन, डरलाग्छ । हामीलाई लाग्छ राम्रै रामै्र होस् । विक्रम सम्वत्को २०७७ साल बित्यो र आयो रे २०७८ । यो २०७८ साल कस्तो होला त ? हामी यता सोच्ने दुःख बेहोर्न खोज्दैनौ । राम्रो मात्र चाहन्छौँ । बितेको मात्र होइन सम्भावना पनि केलाउँ त  त्यहाँ हाम्रो निर्भीक समीक्षाको क्षमता पुष्टि गर्छ, मिलेन भने कति मिलेन स्वयंको क्षमतामा सुधारको ढोका खुल्नेछ । 

अब लागौँ त्यतै २०७८ साल कस्तो होला ? गएको भनिएको वर्षको घटना सबैको पहुँचमा छ । हिजैमात्र पसेको २०७८ हाम्रो पहुँचमा छैन । किन भने आउने वर्षको सम्भावना आकलन गर्न सकिन्छ, ठोकुवा गर्न सम्भव छैन । सम्भावना केलाउनु ज्योतिषाचार्य बन्ने पनि होइन तर ‘मर्निङ् सोज द डे’ भनेजस्तो चाहिँ हो । बितेपछि घटना विवरण दिनेले दिँदै गर्लान् तर भनिएको नयाँ वर्ष कति उज्यालो लिएर भित्रियो त ? सम्भावना यही केलाउने हो । 

सम्भावना केमा केलाउने ? जुँगामा कि कपालमा ? उमेर कि दाँतमा ? वा लठ्ठीको सहारामा ? अथवा सालनालको भ्रूणमा ? जेमा पनि केलाउन सकिन्छ तर त्यो होइन । जीवन त आउँछ जान्छ । आज म, हामी थियौँ भोलि अर्को जीवन आउँछ, जान्छ, निरन्तर हो, रोकिँदैन । त्यही त भइरहेको छ । प्रलय कल्पना हो तर सम्भावना हेर्ने देशको हो, राजनीतिको हो, अर्थ र चरित्रको हो ।

शुभको हो, अशुभको होइन । सम्भावनाले अशुभ पनि त देखाउँछ नि । हामी त्यही अशुभको डिलमा छौँ । यो २०७८ को सुरु अनपेक्षित अशुभकै संकेत दिएर पसेको छ । 

कति नमिठो प्रवेश । राजनीति भन्नै परेन । कम्युनिस्टहरुको ‘नंगा नाचे हजार दाउ’ भनेजस्तो । कम्युनिस्ट प्रधानमन्त्री केपी शर्मा ओलीको नैतिक, वैधानिक र लज्जाहीन निर्वस्त्र सत्ता मोहको  वर्णन के आवश्यक रह्यो र ? कम्युनिस्ट अरु पनि के कम ? सबै लज्जा फुकाल्दै छन्, देश दुनियाँ हेर्न विवश । नेपालको दुर्दशा फुकालेको यही कम्युनिस्ट नग्न लज्जाको परिधानको पोको बोकेर विक्रम सम्वत्को २०७८ सालमा प्रवेश गरेको छ । अब केलाउँ भोलि वा आज भनिएको नयाँ वर्ष कस्तो होला, कस्तो गुज्रिएला ? 

अर्थ ? अर्थतन्त्र भ्रष्टाचारले ग्रसित छ । आफन्त झोलेको झोला भर्न देशको अर्थतन्त्र तन्नम बनाइँदै छ । विकासको नाममा, समृद्धिको नामामा नौटंकी तमासा मञ्चन अहोरात्र जारी छ । नैतिक चरित्रको कुरा ? यो त कम्युनिस्ट हुँदैदेखि टुकुचामा तीलाञ्जली बगाएकै हो । बाँकी रह्यो देश । भन्दा मुद्दा लाग्छ कि तर ‘लुट्न सके लुट्’ नै हो देश । जति लुटे पनि हुन्छ, ढाँटे पनि हुन्छ । सहन्छ देश भन्ने माटोले ।  जनता भोट तान्ने ‘भेडा’ मात्र हुन् कि नेपालको राजनीतिलाई, नेतालाई ? जनता जनार्दन त हुँदै होइनन् । 

संकेत राम्रो छैन । आएको भनिने नयाँ वर्ष थप संकट लिएर आउँदै गरेको देखिन्छ । जनताले भोगेको संकटको बयान जरुरी छैन सबैको भोगाइ हो । सरकारी स्रोतमा तर मार्नेहरुको बेग्लै कुरा, उनीहरुको दुवै हात मुखमा । बाँकी २०७८ साल देशको यस्तो संकट संकेत वर्ष हो जसले हाम्रो अस्तित्व थप तन्नम पार्नेछ । हेरौँ, यो बिहानीले देखाएको अध्याँरो यस्तै छ । बितेको भोगियो, भविष्यवाणीभन्दा पनि यो चाहिँ सम्भावना केलाइ हो । फरक परे जे बेहोर्नुपर्ला तयार तर २०७८ शुभकामना गर्दागर्दै पनि खै ? त्यो सम्भावना छैन कि ? प्रवृत्ति देखिन्छ उल्टै उल्टै । भन्न गारो बुझ्न सजिलो, बस् !             
 

NIBLNIBL
प्रकाशित मिति: बिहीबार, वैशाख २, २०७८  ०७:३५
Sipradi LandingSipradi Landing
worldlinkworldlink
Nepal TelecomNepal Telecom
प्रतिक्रिया दिनुहोस्
Ncell Side Bar LatestNcell Side Bar Latest
Bhatbhateni IslandBhatbhateni Island
Kumari BankKumari Bank
Shivam Cement DetailShivam Cement Detail
Maruti cementMaruti cement
सम्पादकीय
ICACICAC