काठमाडौं । दोलखामा सवारी दुर्घटना हुँदा चारजनाको मृत्यु भएको छ । सिन्धुपाल्चोकको तातोपानीबाट दोलखाको गौरीशंकर गाउँपालिका जाँदै गरेको बोलेरो विगु गाउँपालिकाको लादुकमा दुर्घटना हुँदा चार जनाको मृत्यु भएको दोलखाका प्रमुख जिल्ला अधिकारी बासुदेव घिमिरेले जानकारी दिए ।
मृत्यु हुनेमा ४५ वर्षकी अजिता खत्री, २४ वर्षकी चण्डिका थापा, ५२ वर्षकी राधा खड्का र ३५ वर्षका मिलन केसी छन् ।
उनका अनुसार १८ जना घाइते भएका छन् । जसमध्ये ५ जनाको अवस्था गम्भीर रहेको छ । ७ जनाको दोलखामै र ११ जनाको काठमाडौंमा उपचार भइरहेको छ ।
गए राति साढे १० बजे दुर्घटना भएको हो । “ओभर लोडका कारण दुर्घटना भएको हो । क्षमताभन्दा बढी यात्रु बोकेको गाडी ट्रनिङ काट्न नसक्दा दुर्घटना भएको हो,” प्रमुख जिल्ला अधिकारी घिमिरेले बाह्रखरीसँग भने ।