काठमाडौं । इन्डियन प्रिमियर लिग (आईपीएल) टी–ट्वान्टी क्रिकेटमा पन्जाब किङ्सले राजस्थान रोयल्ससमक्ष २२२ रनको बलियो लक्ष्य प्रस्तुत गरेको छ ।
वान्खाडे स्टेडियममा टस हारेर पहिले ब्याटिङको निम्तो पाएको पन्जाबले निर्धारित २० ओभरमा ६ विकेट गुमाउँदै २२१ रन बनायो ।
पन्जाबका लागि केएल राहुलले ९१ रनको अर्धशतकीय पारी खेले । ५० बल खेलेका उनले ७ चौका र ५ चक्का प्रहार गरे ।
त्यस्तै पन्जाबका लागि दीपक हुड्डाले ६४ रनको अर्धशतकीय पारी खेले । २८ बल खेलेका उनले ४ चौका र ६ छक्का प्रहार गरे । यस्तै क्रिस गेलले ४० रन बनाउँदा मयंक अर्गवालले १४ रन बनाए ।
बलिङतर्फ राजस्थानका लागि चेतन सकारीयाले सर्वाधिक ३ विकेट लिए । त्यस्तै क्रिस मोरिसले दुई विकेट लिँदा रियान प्रागले एक विकेट लिए ।
आजको खेलमा दुवै टोली जित निकाल्दै सुखद सुरुवात गर्न चाहन्छन् । अघिल्लो सिजन खराब प्रदर्शन गरेको पन्जाब यो सिजन प्रतियोगिताको सुखद सुरुवात गर्ने योजनामा छ । यता राजस्थान पनि आजको खेलमा पन्जाबलाई हराउँदै प्रतियोगितामा आफू बलियो भएको प्रमाणित गर्ने योजनामा छ ।