टोकियो । जापानमा सोमबारदेखि ६५ वर्ष माथिका जेष्ठ नागरिकलाई खोप लगाउन सुरु गरिएको छ । देशका विभिन्न १२० स्थानबाट ६५ वर्ष माथिका नागरिकलाई युरोपमा बनेको फाइजर खोप दिन सुरु गरिएको समाचार संस्था रोयटर्सले जनाएको छ ।
राजधानी टोकियोमा पहिलो पटक खोप लगाएका २ हजार ८१० जनाले खोप पाउने भए पनि अधिकांस स्थानमा अधिकतम हजार जनालाई खोप दिइने जापानको स्वास्थ्य मन्त्रालयले जनाएको छ । १२ करोड ६० लाख कुल जनसंख्या भएको जापानमा तीब्र वृद्ध भइरहेको ठूलो संख्या रहेको छ ।
जुनको अन्त्यसम्ममा ६५ वर्षमाथिका ३ करोड ६० लाखलाई आवश्यक पर्ने खोपको व्यवस्था गर्न जापान सक्षम रहेको उल्लेख गर्दै मन्त्रिमण्डलका मुख्यसचिव कात्सुनोबु कातोले सरकारको प्रक्षेपण दोहो¥याए ।
“मलाई लाग्छ, युरोपेली संघबाट आयात सुचारु रुपमा चल्यो भने सबै जेष्ठ नागरिकलाई खोप दिन सकिन्छ,” कातोले भने ।
ग्रिष्मकालिन ओलम्पिक्स सुरु हुनु सय दिन अघि मात्र सोमबार नै जापानले कोरोनाको चौथो लहर नियन्त्रण गर्न एक महिना लामो ‘अर्ध–आपतकालीन’सुरक्षाका उपायहरु सुरु गरिएको छ ।
जापान खोप अभियान ढिला सुरु गर्ने ठूला अर्थतन्त्र भएका देशहरुमध्ये एक हो । स्थानीय सरकारलाई तयारीका लागि समय आवश्यक रहेको भन्दै यहाँका खोपसम्बन्धी प्रमुख मन्त्री तारो कोनोले ढिलाईको प्रतिरक्षा गरे ।
घरेलु नियामकले कोभिड–१९ को अन्य खोपलाई अनुमोदन नगर्दा जापान फाइजरमा नै निर्भर छ । जापानले ठूलो परिमाणमा खोप आयात गर्न लागेकाले आगामी मेदेखि भने खोप कार्यक्रम तिब्र रुपमा अघि बढ्ने अपेक्षा गरिएको छ ।
जापानमा करिब ११ लाखले दुई डोज लगाउनुपर्ने फाइजरको एक डोज खोप लगाइसकेका छन् ।
एक चिकित्सक एवं शोधकर्ता हारुका सकामोटोका अनुसार सर्बसाधारणले ग्रिष्मको अन्त्य वा शिशिरयाम सम्ममा पनि सहज रुपमा खोप पाउने सम्भावना नरहेको समाचारमा जनाइएको छ ।
