काठमाडौं । इन्डियन प्रिमियर लिग (आईपीएल) टी–ट्वान्टी क्रिकेटको १४ औं संस्करण अन्तर्गत पहिलो खेलमा अहिले साबिक विजेता मुम्बई इन्डियन्स र रोयल च्यालेन्जर्स बैंगलोरले प्रतिस्पर्धा गर्दै छन् । 

एमए चिदंबरम स्टेडियममा बैंगलोरले टस जितेर पहिले बलिङ गर्ने निर्णय गरेको छ । मुम्बईले बैंगलोरविरुद्ध केही समयमा ब्याटिङ थाल्नेछ ।   

आज दुबै टोली जित निकाल्ने योजनामा छन् । रोहित शर्माको कप्तानीमा मैदान उत्रिएको मुम्बई आजको खेलमा जित निकालेर सुखद सुरुआत गर्न चाहन्छ ।

यता, भारतीय राष्ट्रिय क्रिकेट टोलीका कप्तान विराट कोहलीको कप्तानीमा मैदान उत्रिएको बैंगलोर पनि आजको खेलमा जित निकाल्दै सुखद सुरुवात गर्ने लक्ष्यमा छ । 

दुई टिमबीचको हालसम्मको नजिता हेर्दा बैंगलोरभन्दा मुम्बई बलियो देखिन्छ । पछिल्ला पाँच खेलमा मुम्बईले ३ खेलमा जित निकालेको छ भने बैंगलोरले २ खेल जितेको छ ।