देश
काठमाडौं । त्रिवि शिक्षण अस्पतालमा १२ शय्याको आईसीयूकक्ष थपिएको छ । छुट्टै आईसीयूकक्ष स्थापना गरी १२ वटा शय्या थपिएको हो ।
थपिएको आईसीयूले अहिलेको बिरामीको चापलाई केही राहत हुने तर पर्याप्त भने अझै नभएको अस्पतालका सूचना अधिकारी रामविक्रम अधिकारीले बताए ।
थपिएको आईसीयू शय्यामा छुट्टाछुट्टै क्याबिन रहेको र क्याबिनभित्रको हावा समेत बाहिर नजाने अत्याधुनिक प्रविधि जडान गरिएको अस्पतालका निर्देशक डा. दिनेश काफ्लेले जानकारी दिए । यो प्रविधिले एकजना बिरामीमा भएको संक्रमण अर्को बिरामीमा सर्ने सम्भावना नहुने डा. काफ्लेको भनाइ छ ।
प्रकाशित मिति: बुधबार, चैत २५, २०७७ १६:१२
प्रतिक्रिया दिनुहोस्