देश
काठमाडौं । पछिल्लो चौबीस घण्टामा २६६ जना कोभिड–१९ संक्रमित थपिएका छन् । चार हजार ५३६ वटा नमूनाको पीसीआर परीक्षण गरिएकोमा २६६ जनाको नतिजा पोजेटिभ आएको हो । नेपालमा कुल संक्रमितको संख्या दुई लाख ७८ हजार २१० पुगेको छ ।
चौबीस घण्टामा १०२ जना संक्रमणमुक्त भएका छन् । देशमा कोरोनामुक्त हुनेको संख्या दुई लाख ७३ हजार ३४२ पुगेको छ ।
पछिल्लो चौबीस घण्टामा ४ जनाको मृत्यु भएको छ । नेपालमा कोभिड–१९ का कारण मृत्यु हुनेको संख्या ३ हजार ३६ पुगेको थियो । हाल क्वारेन्टिनमा ६४ जना छन् भने आइसोलेसनमा १ हजार ८३२ जना रहेको स्वास्थ्य तथा जनसंख्या मन्त्रालयले जनाएको छ ।
प्रकाशित मिति: सोमबार, चैत २३, २०७७ १६:३३
प्रतिक्रिया दिनुहोस्