काठमाडौं । अरुण भ्याली हाइड्रोपावर डेभलपमेन्ट कम्पनी लिमिटेडले आउँदो वैशाख ६ गतेदेखि हकप्रद सेयर निष्कासन गर्ने भएको छ । कम्पनीले  प्रतिसेयर १०० रुपैयाँको दरले  ५२ करोड ४१ लाख १९ हजार ७०० रुपैयाँ बराबरको ५२ लाख ४१ हजार १९७ कित्ता हकप्रद सेयर बिक्री गर्न लागेको गर्ने लागेको हो ।

कम्पनीले नेपाल धितोपत्र बोर्डबाट हाल कायम चुक्ता पुँजीको ५० प्रतिशत अथात् १०० कित्ता सेयर बराबर ५० कित्ता हकप्रद सेयर जारी गर्ने अनुमति पाएको हो ।

कम्पनीको हकप्रद चैत ८ गतेसम्म कायम सेयरधनीले मात्रै आवेदन दिन सक्नेछन् । हकप्रद सेयर निष्कासनका लागि कम्पनीले चैत ९ गते सेयरधनी दर्ता किताब बन्द (बुकक्लोज) गरेको थियो । कम्पनीको हकप्रद सेयरको बिक्री प्रबन्धकमा मुक्तिनाथ क्यापिटल छ ।

कम्पनी हकप्रद निष्कासनका लागि गराएको रेटिङमा केयर रेटिङ नेपालले ‘केयर एनपी डबल बी प्लस’ इस्यूअर रेटिङ प्रदान गरेको छ । यसले कम्पनीको दायित्व बहन गर्ने क्षमतामा औसत जोखिम रहेको संकेत गर्दछ ।

उक्त हकप्रदमा मुक्तिनाथ क्यापिटल, अरुण भ्याली हाइड्रोपावर डेभलपमेन्ट कम्पनीको कार्यलय मुक्तिनाथ विकास बैंकका तोकिएका शाखा कार्यालय साथै धितोपत्र बोर्डबाट आश्वा अनुमति प्राप्त बैंक तथा वित्तीय र मेरो सेयरमार्फत आवेदन दिन सकिनेछ । हकप्रदमा आवेदन दिने अवधि वैशाख २६ गतेसम्म रहेको छ ।

हाल  कम्पनीको अधिकृत पुँजी २ अर्ब ५० करोड, जारी पुँजी १ अर्ब ८६ करोड ६० लाख २४ हजार ६०० र चुक्ता पुँजी १ अर्ब ४ करोड ८२ लाख ३९ हजार ४०० रुपैयाँ रहेको छ । हकप्रद सेयर बिक्रीपश्चात कम्पनीको चुक्ता पुँजी १ अर्ब ५७ करोड २३ लाख ५९ हजार १०० रुपैयाँ पुग्नेछ ।