काठमाडौं । आर्थिक वर्ष २०७५/०७६ मा बैंक तथा वित्तीय संस्थाहरूमध्ये सबैभन्दा बढी कर्पाेरेट ट्याक्स तिर्ने नबिल बैंकलाई आन्तरिक राजश्व विभागले सम्मानपत्र हस्तान्तरण गरेको छ । बैंकले गत आर्थिक वर्षमा एक अर्ब ९० करोड कर रुपैयाँ सरकारलाई तिरेको थियो । 

विभागले गत मंसिरमा कर दिवसको अवसरमा बैंकहरूमध्ये सबैभन्दा बढी कर्पाेरेट ट्याक्स जम्मा गर्ने सुचीमा नबिल बैंकलाई राखेको थियो । मंसिरमा कोभिडको भय र तिहारको समय भएकाले औपचारिक कार्यक्रम भएको थिएन ।
पछिल्लो १० वर्षमा नबिल बैक उच्च कर भुक्तानी गर्नेमा यो पाँचौ पटक हो । समृद्ध मुलुक निर्माणका लागि बैंकले आफ्नो तर्फबाट सरकारलाई योगदान पुर्‍याएकोमा गर्व महसुस गरेको जनाएको छ ।

बैंकले व्यापार प्रर्वद्धन, रोजगारी सिर्जना र ट्याक्सको रूपमा राज्यको योगदानमा केन्द्रित रहेको जनाएको छ । “नबिल बैंक मुलुकको धेरै बैंकिङ गतिविधिहरूको लागि अग्रणी बैंक हो । बैंकको गतिविधिमार्फत अर्थव्यवस्थालाई उकास्ने मात्र गरेको छैन, जनताको जीवनयापन र उनीहरूको आर्थिक वृद्धिलाईसमेत व्यापप पहुँच पुर्‍याइरहेको छ” बैंकले भनेको छ ।  
नबिल बैंकले हालसम्म राज्यलाई १५ अर्ब ६ करोड रुपैयाँ कर बुझाएको छ । नेपालको निजी क्षेत्रको पहिलो बैंक नबिलले आफ्ना लगानीकर्तालाई हालसम्म १ हजार ८ सय ७५ प्रतिशत लाभांश वितरण गरिसकेको छ ।

बैंकिङ क्षेत्रमा सबैभन्दा बढी कर तिर्ने बैंकको परिचय बनाएको बैंकले आफ्ना राज्य र लगानीकर्तालाई आर्थिक योगदान पुर्‍याउँदै आफ्नो व्यवसाय र सेवा तीव्र विस्तार गर्दै अगाडि बढिरहेको जनाएको छ ।  

बेलायतको प्रतिष्ठित पत्रिका यूरोमनीले लगातार दोस्रोपटक पनि नबिल बैंकलाई ‘नेपालको उत्कृष्ट बैंक’ द्वारा पुरस्कृत गरिसकेको छ । यस्तै, बैंकले हालै ‘ग्रोथ सेलर’मार्फत कर्मचारी अनुभवमा उत्कृष्ट अवार्ड पनि प्राप्त गरेको छ । 

बैंकको हाल ११९ शाखा,  १८५ एटिएम, १५०० भन्दा बढी नबिल रेमिट एजेन्ट रहेको छ । नेपाली बैंकिङ्ग क्षेत्रमा नविनतम् सेवाको सुरुवात अग्रणी बन्न सफल बैंकले नेपालको बैंकिङ्ग विकासको इतिहासमा कोसेढुङ्गाको रूपमा काम गर्दै आएको जनाएको छ ।