बाह्रखरी
sticky  ncell
विदेश प्रतिक्रिया दिनुहोस्
Jagadamba Group
Jagadamba Group
प्योङयोङमा ५० हजार अपार्टमेन्ट निर्माण कार्य तिव्र गर्न किमको निर्देशन 
बाह्रखरी - शुक्रबार, चैत २०, २०७७
Laxmi Bank
Laxmi Bank
Rohto Landing
Agani Group
sarbottam cement

सिओल । उत्तर कोरियाका प्रमुख किम जोङ उनले यो हप्ता हाउजिङ निर्माण परियोजनाको साइटमा दोस्रोपटक भ्रमण गरेका छन् । राजधानी प्योङयोङमा ६० हजार नयाँ अपार्टमेन्ट निर्माण गर्ने भनिएको यस परियोजनालाई तिव्रताका साथ अघि बढाउन उनले फेरि पनि निर्देशन दिएको बिहीबार त्यहाँको राष्ट्रिय सञ्चारले खबर गरेको छ ।
 
जापान नजिकको समुद्री क्षेत्रमा दुईवटा नयाँ ब्यालेस्टिक मिसाइल लन्च गरेको दुई दिनपछि नै किमको ध्यान पुनः राष्ट्रिय अर्थतन्त्रतर्फ मोडिएको छ । सो रकेट लन्चले अहिले अमेरिकामा अधिक दबाब उत्पन्न गराइरहेको छ । आर्थिक संकटका कारण यसअघिका केही उल्लेखनीय परियोजनाहरु अवरुद्ध भइरहेका बेला उनले गत हप्ता प्योङयोङमा दश हजार नयाँ अपार्टमेन्टको निर्माण कार्य सुरु गराएका हुन् ।
 
उत्तर कोरियाको राष्ट्रिय सञ्चार केसिएनएका अनुसार किमले हाउजिङ निर्माणको महत्वमा विशेष जोड दिएका हुन् । नागरिकको जीवन स्तरमा सुधार ल्याउन यो समस्याको तत्काल समाधान गर्न आवश्यक रहेको पनि बताए ।
 
किमले भनेका छन्, “प्रत्येक निर्माण प्रक्रियाका लागि कडा निरीक्षण जारी गर्न जरुरी छ । यसमा निर्माणका सामग्रीहरु सबै तरिकामा माग अनुसार सहुलियतपूर्ण र गुणस्तरीय हुनुपर्दछ । सबै किसिमका दुर्घटनाबाट जोगिँदै प्रभावशाली निर्माण अनुभव सिर्जना गर्न जरुरी छ ।”
 
यसअघि किमले उत्तर कोरियाली अर्थतन्त्र विकासको पाँच वर्षे नयाँ महत्तवकांक्षी योजनाबारे घोषणा गरेका थिए । तर, उनका परियोजनाहरुले धेरै ठुल्ठूला चुनौतिको सामना गर्नुपर्ने देखिन्छ । किनकी आणविक हतियार र मिसाइल कार्यक्रमका कारण उत्तर कोरियामा अन्तर्राष्ट्रिय प्रतिबन्ध अझै जारी छ ।
यता कोभिड–१९ नियन्त्रणका लागि उत्तर कोरियाले अपनाएका उपायहरु मानव अधिकार उत्पीडन गराउने किसिमको भएको र नागरिकहरु चरम आर्थिक कठिनाइबाट गुज्रिँदा भोकमरी लगायतका घटनाबारे रिपोर्ट गरिएको संयुक्त राष्ट्र संघले बताएको छ । 
तर, अझैसम्म पनि उत्तर कोरियाले कोरोना भाइरसको संक्रमण सङ्ख्याबारे आधिकारिक रिपोर्ट दिएको छैन । विज्ञहरुले यसको शून्य संक्रमण दाबीप्रति शंका जनाउँदै आएका छन् । उत्तर कोरियाको सिमाना चीन र दक्षिण कोरियासँग जोडिएको छ जहाँ धेरै कोरोनाका धेरै बिरामी छन् ।  रोयटर्स 
 

Nepal Investment bank
Sunrise bank
Nepal Investment bank
Sunrise bank
शुक्रबार, चैत २०, २०७७ मा प्रकाशित
TATA Landing
Dishhome
TATA Landing
Dishhome
प्रतिक्रिया दिनुहोस्