काठमाडौं । सिटिजन्स बैंक इन्टरनेसनलले पनि डलर कार्डको सुरुवात गरेको छ । नेपाल राष्ट्र बैंकले हालै जारी गरेको अन्तर्राष्ट्रिय प्रिपेड कार्डसम्बन्धी परिपत्रानुसार बैकले सो सुविधा प्रदान गर्न लागेको बैंकले जनाएको छ ।

यो सुविधाअन्र्तगत ग्राहकले सिटिजन्स बैंकको खातामा रहेको नेपाली रुपैयाँलाई सटही गरी एकैपटक वा पटक–पटक गरी वार्षिक ५०० अमेरिकी डलर बराबरसम्मको रकम कार्डमा लोड गर्न बैंकसमक्ष अनुरोध गर्न सकिनेछ ।

यो कार्ड प्रयोग गर्न चाहने ग्राहकले आफ्नो खातामा ग्राहक पहिचान विवरण अद्मावधिक गरेको एवं प्यान कार्ड लिएको हुनुपर्ने छ । यसअन्तर्गत ग्राहकहरुले नेपाल र भारतबाहेकका देशहरुबाट अनलाइनमार्फत वस्तु तथा सेवा खरिदबापतको भुक्तानी गर्न यो कार्ड प्रयोग गर्न सक्नेछन् । यो कार्ड प्रयोग गरी एटीएमबाट नगद झिक्न तथा पीओएसमार्फत कारोबार गर्न भने पाइने छैन ।