काठमाडौं । नेप्सेको कारोबार व्यवस्थापन प्रणाली (टीएमएमा)मा समस्या आउँदा सेयर कारोबार अवरुद्ध बनेको छ । बुधबार सेयर कारोबार खुलेको एक घण्टापछि टीएमएसमा समस्या देखिँदा कारोबार अवरुद्ध भएको हो ।

नेप्सेले ब्रोकरको टीएमएसमा केही समस्या भएको र त्यसको समाधानको प्रयास भइरहेको भन्दै आफ्नो वेबसाइटमा नोटिस राखेको छ । मध्याह्न १२ बजेसम्म सहज रुपमा कारोबार भइरहेको भए पनि त्यसपछि अनलाइन कारोबारमा केही अर्डर नदेखाउने र केही अर्डर म्याच नभएपछि नेप्सेले उक्त समस्या समाधानको प्रयास गरिरहेको जनाएको छ ।

अहिले कारोबार नै रोकर उक्त समस्या समाधान गरिरहेको र ब्रोकहरुले पनि अर्डर हाल्न नमिलेको ब्रोकर एसोसिएसनका निर्वतमान अध्यक्ष भरत रानाभाट बताउँछन् ।