काठमाडौं । मेगा बैंक नेपालले अटो रिक्सा खरिद गरी आफैँ सञ्चालन गर्ने चालकका लागि कर्जा सुविधा ल्याएको छ ।

बैंक र हन्सराज हुलासचन्द एन्ड कम्पनीबीच तीनपांग्रे अटो रिक्सा खरिद गरी आफैँ सञ्चालन गर्ने चालकका लागि रिक्सा नै धितो राखी कर्जा दिने सम्झौता भएको हो । सम्झौतामा मेगा बैंककी प्रमुख कार्यकारी अधिकृत अनुपमा खुञ्जेली र हन्सराज हुलासचन्द एन्ड कम्पनी प्राइभेट लिमिटेडका सञ्चालक अभिमन्यू गोल्छाले हस्ताक्षर गरेका छन् ।

विपन्न तथा न्यून आय भएका रिक्सा चालकलाई उद्यमी बनाउने उद्देश्यले यो सम्झौता गरिएको जनाइएको छ । रिक्सा चालकहरुले आफ्नै स्वामित्वमा तीनपांग्रे अटो रिक्सा खरिद गरी आफैँ सञ्चालन गर्नुपर्ने जनाइएको छ ।