काठमाडौं । शाओमीले नेपालमा आफ्नो उत्पादन श्रेणीमा अर्को थप उत्पादन ल्याएको छ ।

स्मार्ट टीभीहरुको पोर्टफोलियो विस्तार गर्दै शाओमीले नेपालमा नयाँ मी टीभी ४ एक्स ६५ इन्च मोडल भित्र्याएको छ । यस मोडलमा ६५ इन्च फोर के डिस्प्ले एचडीआर र टीभी इन–हाउस एन्ड्रोइडमा आधारित प्याचवाल यूआई रहेको जनाइएको छ ।

शाओमी मी टिभी ४ एक्स ६५ इन्च क्वाड–कोर अमलोगिक कोर्टेक्स ए ५३ चिपसेट रहेको कम्पनीले जनाएको छ । यसमा माली जीपीयू २ जीबी र्‍याम र १ जीबी इन्टरनल स्टोरेज रहेको जनाइएको छ ।

मी४ ए ४३ इन्च होराइजन एडिसनको स्क्रिनको शीर्ष, बायाँ र दायाँमा वास्तवमै धेरै पातलो प्लास्टिक बोर्डरहरु रहेको जनाइएको छ ।

शाओमीले नेपालमा आफ्नो इको सिस्टममा थप २ उत्पादन पनि थपेको छ । कम्पनीले मी पोर्टेबल ब्लुटुथ स्पिकर (१६ वाट) र मी बियर्ड ट्रिमर ल्याएको छ ।

शाओमी नेपालका कन्ट्री जनरल म्यानेजर सौरभ कोठारीले मी टीभीले यसको उत्कृष्ट सफ्टवेयरका साथ स्मार्ट टीभीको अर्थ परिभाषित गर्ने बताए । “सबैको दर्शनका लागि हाम्रो नवीनतामा अडिग रहन्छ । यसलाई नेपालका हाम्रा प्रयोगकर्ता र मी फ्यानले मन पराउनेछन् भन्ने आशा राखेका छौँ,” उनले भने ।

मी टीभीको बजार मूल्य ३५ हजारदेखि १ लाख २० हजार रुपैयाँसम्म रहेको कम्पनीले जनाएको छ ।