अर्थ व्यवसाय
काठमाडौं । त्रिभुवन अन्तर्राष्ट्रिय विमानस्थल आज नियमित रुपमा सञ्चालनमा आएको छ । मौसम खराबीका कारण शुक्रबार र शनिबार केही समय उडान प्रभावित भए पनि आइतबार नियमित भइरहेको जनाइएको छ ।
विमानस्थल कार्यालका महाप्रबन्धक प्रतापबाबु तिवारीले आज बिहानदेखि नै विमान उडान तथा अवतरण भइरहेको बताए । “भिजिबिलिटी १६०० मिटर छ । आज बिहानदेखि नै उडान नियमित भइरहेको छ, प्रभावित भएको छैन,” उनले भने ।
आन्तरिक तथा बाह्य दुवै उडान भइरहेको उनले जानकारी दिए । आन्तरिक उडान तथा अवतरणका लागि भिजिबिलिटी १६०० मिटर र अन्तर्राष्ट्रिय उडानका लागि १२०० मिटर हुनुपर्ने उनले बताए ।
प्रकाशित मिति: आइतबार, चैत १५, २०७७ ११:१६
प्रतिक्रिया दिनुहोस्