नयाँदिल्ली । भारतका १८ राज्यमा नयाँ ‘डबल म्युटेन्ट भेरियन्ट’ कोरोनाभाइरस भेटिएको भारतीय स्वास्थ्य मन्त्रालयले जनाएको छ ।

महाराष्ट्र राज्यमा लिइएको नमुना परीक्षण र ‘जिनोम सिक्वेन्सिङ’का क्रममा भेटिएको यो भाइरस यसअघि पहिचान भएका भाइरसभन्दा फरक प्रकारको रहेको मन्त्रालयले जारी गरेको विज्ञप्तिमा जनाइएको छ ।

भारतमा यसअघि नै बेलायत तथा दक्षिण अफ्रिका र ब्राजिलमा देखिएको दुई भेटिएन्ट भेटिइसकेको छ । बुधबार मात्र भारतमा ४७ हजार २६२ नयाँ संक्रमित भेटिएका जनाइएको छ । संक्रमण बढेसँगै यहाँका केही राज्यहरुले सार्वजनिकस्थलमा भेला भएर होलीलगायतका चाडपर्व मनाउनसमेत रोक लगाइसकेका छन् ।