अर्थ व्यवसाय
काठमाडौं । वायुसेवा सञ्चालक संघ नेपालले पुनः हवाई भाडा बढाएको छ । नेपाल आयल निगमले गएको मंगलबार रातिदेखि लागु हुने गरी हवाई इन्धनको मूल्य प्रतिलिटर दुई रुपैयाँले बढाएपछि संघले इन्धन शुल्क पनि बढाएको हो ।
यही चैत ७ गतेदेखि लागु हुने गरी हवाई इन्धन शुल्क बढाइएको संघका प्रवक्ता योगराज कँडेलले जनाएका छन् । उनका अनुसार हवाई इन्धन शुल्क बढाउन नेपाल नागरिक उड्डयन प्राधिरणले स्वीकृति पनि दिइसकेको छ ।
संघका अनुसार हवाई इन्धन प्रतिलिटर दुई रुपैयाँ बढ्दा हवाई इन्धन शुल्क पाँच रुपैयाँदेखि ९० रुपैयाँसम्म बढाइएको छ । डोटी–साँफेबगरको भाडा पाँच रुपैयाँले बढाइएको छ भने काठमाडौं–धनगढीको भाडा ९० रुपैयाँले बढाइएको छ ।
प्रकाशित मिति: शुक्रबार, चैत ६, २०७७ १५:३६
प्रतिक्रिया दिनुहोस्