काठमाडौं । एड्भान्स्ड कलेज अफ इन्जिनियरिङ एन्ड म्यानेजमेन्टले स्वतन्त्र ऊर्जा उत्पादकहरूको संस्था, नेपाल (ईपान)सँग सम्झौतापत्रमा हस्ताक्षर गरेको छ ।

एड्भान्स्ड कलेजका तर्फबाट अध्यक्ष रमेश सिलवाल तथा ईपानका तर्फबाट कृष्णप्रसाद आचार्यले सम्झौतापत्रमा हस्ताक्षर गरे । सम्झौतापत्रमा दुवै निकायका समूहबीच विद्यार्थी र औद्योगिक प्रतिष्ठानका हितमा कसरी सहकार्य गर्ने भन्ने विषयमा उल्लेख गरिएको छ ।

ईपान अध्यक्ष कृष्ण आचार्यले संगठित सहकार्यलाई बढावा दिन विश्वविद्यालय तथा अन्य विभिन्न संस्थाहरूसँग अनुसन्धानका लागि आवश्यक पर्ने स्रोत–साधन हुनुपर्ने बताए ।