काठमाडौं । नेपाल राष्ट्र बैंकले एलसी (प्रतितपत्र) बाहेक परिवत्र्य विदेशी मुद्रा भुक्तानी हुने गरी भारतबाहेक अन्य मुलुकहरूबाट हुने आयातको सीमा बढाएको छ । केन्द्रीय बैंकले भारतबाहेक तेस्रो मुलुकबाट डीएपी (डकुमेन्ट अगेन्स्ट पेमेन्ट) र डीएए (डकुमेन्ट अगेन्स्ट एइसेप्टेन्स)को माध्यमबाट आयात गर्दा ५० हजार डल बरावरको परिवत्र्य विदेशी मुद्रामा मात्रै आयत गर्न सकिने व्यवस्था रहेको र त्यसको सीमा बढाएर १ लाख डलर पुर्याएको छ ।
डीएपी र डीएएमा आयात गर्दा परिवत्र्य विदेशी मुद्रमा २०७७ साउनसम्म कुनै सीमा नभए पनि कोभिडको प्रभाव बढ्दै जाँदा आयातमा नियन्त्रण गर्न नेपाल राष्ट्र बैंकले २०७७ साउन ४ गते ५० हजार डलरको सिमा राखदेको थियो । अब कोभिड पछि अर्थतन्त्र चलायमान भएएको र उद्योगि व्यापारीले पनि आयातमा समस्या भएको बताएपछि राष्ट्र बैंकले तयसको सिमा बढाएर १ लाख डलर पुर्याएको हो ।
भारत तथा तेस्रो मुलुकबाट हुने आयातलाइ सहजीकरण गर्न उक्त सीमा बढाएको राष्ट्र बैकका डेपुटी गभर्नर बमबहादुर मिश्र बताउँछन् । ‘निकासी पैठारी ऐन, २०१३’ अनुसार उक्त व्यवस्था गरेको उनले बताए ।
यस्तै केन्द्रीय बैंकले आयाता गर्दा कृषि तथा पशुपन्छी विकास मन्त्रालय र खाद्य प्रविधि तथा गुण नियन्त्रण विभागको मात्रै पूर्व स्वीकृति लिनुपर्ने व्यवस्थामा परिमार्जन गर्दै अब जुन प्रकृतिको बस्तु आयात गर्नुपर्ने हो सम्बन्धित विभागको स्वीकृति लिनुपर्ने व्यवस्था गरेको छ ।
