काठमाडौं । कुलप्याड कम्पनीको कुल १० को नयाँ स्टोरेज भेरियन्ट नेपाली बजारमा सार्वजनिक भएको छ । कुलप्याडको आधिकारिक आयातकर्ता तथा वितरक कम्पनी एसडी इन्टरनेसनल आफ्नो लोकप्रिय मोडल कुल १० को नयाँ भेरियन्ट ल्याएको हो ।
नयाँ फोनमा १२८ जीबीको आन्तरिक भन्डारण दिइएको छ । कुलप्याड कुल १० को नयाँ संस्करणको बजार मूल्य १८ हजार ४९५ रुपैयाँ तोकिएको छ । बजारमा कुलप्याडका कुल ५, कुल एन ७ प्लस, कुल १०, कुल एस, कुल एक्स, कुल ६ लगायतका फोन बिक्री भइरहेको छ ।
कुलप्याड कुल १० मा प्रिमियम ग्लास बडीको साथ एक भव्य आकर्षक देखिने फोन हो । यसमा लगभग शून्य बेजेलका साथमा ६.५२ इन्चको वाटर ड्रप एचडी प्लस डिस्प्ले उपलब्ध रहेको कम्पनीको दाबी छ ।
फोनको पछाडि ट्रिपल क्यामरा सेटअप प्याक छ । जसमा १६ मेगापिक्सेलको अटोफोकस मुख्य क्यामेराका साथै ०.३ मेगापिक्सेलको डेप्थ सेन्सर र ०.३ मेगापिक्सेलको म्याक्रो सेन्सर छ । सेल्फीका लागि अगाडि भागमा ८ मेगापिक्सेलको फ्रन्ट क्यामेरा राखिएको छ ।
स्मार्टफोनमा हेलियो पी ६० चिपसेट राखिएको छ भने एन्ड्रोइड १० मा आधारित भएर सञ्चालन हुनेछ । फोनमा पावर दिनका लागि ५ हजार एमएएच ब्याट्री प्याक राखिएको छ । कुल १० मा फोरजी सपोर्ट, लाइट सेन्सर, प्रोक्सिमिटी सेन्सर, साइड फिंगरप्रिन्ट, फेस अनलक, ड्युअल सिम र टाइप सी पोर्टलगायतका फिचर छ ।
फोनको ४ जीबी र्याम र ६४ जीबी स्टोरेज भेरियन्ट पनि बजारमा उपलब्ध छ । जसको मूल्य १६ हजार ५९५ रुपैयाँ तोकिएको छ ।