काठमाडौं । बजेट खर्च नहुने प्रवृत्तिले यो वर्ष पनि निरन्तरता पाएको छ । चालु आर्थि वर्षको ८ महिना (साउन–फागुन) सकिँदा ३८ प्रतिशतमात्र बजेट खर्च भएको हो ।
महालेखा नियन्त्रक कार्यालयको अपरिस्कृत खर्च–आम्दानीको विवरणअनुसार फागुन मसान्तसम्म ५ खर्ब ७१ अर्ब रुपैयाँ बजेट खर्च हो । तत्कालीन अर्थमन्त्री युवराज खतिवडाले बजेट वक्तव्यमार्फत् १४ खर्ब ७४ अर्ब ६४ करोड रुपैयाँ विनियोजन गरेका थिए ।
महालेखा नियन्त्रक कार्यालयका अनुसार यस अवधिमा चालु खर्च विनियोजनको ४८ .०३ प्रतिशत, पुँजी खर्च २२.५८ प्रतिशत र वित्तीय व्यवस्थातर्फ २०.५५ प्रतिशत खर्च भएको छ ।
यस अवधिमा लक्ष्यको ५६ प्रतिशतमात्र राजस्व सरकारले उठाएको छ । वर्षभर १० खर्ब ११ अर्ब रुपैयाँ उठाउने सरकारले लक्ष्य थियो । उठेको राजस्वमध्ये करतर्फ लक्ष्यको ५७.८ प्रतिशत र गैरकरतर्फ ४४.०६ प्रतिशत हो ।
खतिवडाको बजेट अनुमान पौडेलद्वारा संशोधन, ९१.१९ प्रतिशत मात्र खर्च हुने
यसअघि अर्थमन्त्री विष्णुप्रसाद पौडेलले बजेटको अर्धवार्षिक समीक्षामार्फत् खर्चको अनुमान संशोधन गरेका छन् । उनका अनुसार चालु आव विनियोजनको ९१.१९ प्रतिशत मात्र खर्च हुनेछ ।