काठमाडौं । पूर्वअर्थमन्त्री तथा नेपाली कांग्रेसका नेता डा. रामशरण महत र विश्व बैंकका नेपाल हेर्ने राष्ट्रिय निर्देशक फरिस हदाद जेरभोसबीच छलफल भएको छ ।

डा. महतलाइ भेट्न जेरभोसबीचको टोली निवासमा पुगेको थियो ।

नेपालका विकास गतिविधि र प्राथमिकताका बारेमा छलफल तथा परामर्शका लागि विश्व बैंकका पदाधिकारी सोमबार महतको निवास पुगेका हुन् । उनीहरुबीच नेपालको पछिल्लो आर्थिक विकास परिदृश्यबारे छलफल भएको थियो । साथै, आगामी दिनमा नेपालका विकासका प्राथमिकताका बारेमा पनि छलफल भएको हो । विश्व बैंकका आगामी प्राथमिकताका विषयमा छलफल भएको डा. महतले जानकारी दिए ।