काठमाडौं । सेयर बजार घट्नेक्रम सोमबार पनि रोकिएन । पाँच कारोबार दिनदेखि निरन्तर ओरालो लागेको सेयर बजार परिसूचक नेप्से सोमबार पनि दोहोरो अंकले झरेर २४ सय विन्दुबाट ओर्लिएको छ । आज उतारचढावबीच नेप्से १८.०७ विन्दुले झरेर २३८९.१९ विन्दुमा आइपुग्यो ।
कारोबार सुरु भएको करिब २० मिनेटसम्म नेप्से २३८० विन्दुमा पुगेको थियो । मध्यान्हतिर बढेर २४३१ विन्दु पार गरेको नेप्से पछि पुनः झरेर दोहोरो अंकले ऋणात्मक बनेको हो ।
आज २१२ कम्पनीको ९६ लाख कित्ता सेयर ४ अर्ब २८ करोड रुपैयाँ बराबरमा खरिद विक्री भएको नेपाल स्टक एक्सचेन्जले जनाएको छ । ११६ कम्पनीका सेयरधनीले गुमाउँदा ४६ कम्पनीका सेयरधनीले कमाएका छन् । १४ कम्पनीको सेयर मूल्य स्थिर रहेको नेप्सेले जनाएको छ ।