काठमाडौं । नेपालका लागि फोर्ड गाडीका आधिकारिक विक्रेता जीओ अटोमोबाइल्सले फोर्डको इकोस्पोर्ट एसई पेट्रोल नेपाली बजारमा सार्वजनिक गरेको छ । कम्पनीले नेपाली बजारका लागि यो गाडीको मूल्य ४७ लाख ५० हजार कायम गरेको छ ।
फोर्ड इकोस्पोर्ट एसई नाम दिइएको यस नयाँ भेरियन्टमा डिजाइन संकेत अमेरिकी र युरोपेली कम्प्याक्ट एसयूभी लिइएको कम्पनीले जनाएको छ ।
फोर्ड इन्डियाका कार्यकारी निर्देशक विनय रैनाले फोर्ड इकोस्पोर्ट एसई आरामदायी हुनुको साथै यसमा प्रयोग गरिएको अभूतपूर्व सुरक्षाको व्यवस्था र सिङ्क-३ जस्तो सबैभन्दा राम्रो प्रविधिले यसको विरासतलाई अझ उचाइमा पुर्याउने दाबी गरे ।
नयाँ डिजाइन भएको टेलगेट, ड्युअ टोनपछाडिको बम्पर जसमा रहेको सिल्भर एप्लिकले यसको बनावटलाई झन् आकर्षक बनाइएको छ । यसबाहेक विशेष संस्करणको इकोस्पोर्टमा बोल्ड लुक्स र ग्रिल, १६ इन्च एलोई ह्विल्स्, उच्च ग्राउन्ड क्लियरेन्सको विशेषतालाई जोड दिइएको कम्पनीले जनाएको छ । इकोस्पोर्ट एसईमा राखिएको पन्चर किटले केही मिनेटमै टायर नझिकेरै पन्चर मर्मत गर्न सकिने सुविधा प्रदान गर्ने जनाइएको छ ।
नयाँ इकोस्पोर्ट एसईमा १.५ लिटर टीआईभीसीटी पेट्रोल इन्जिन राखिएको छ । “जसले यस सेग्मेन्टकै सबैभन्दा राम्रो १२२ पीएस पावर र १४९ एनएम टर्क उत्सर्जन गर्छ,” कम्पनीले भनेको छ ।