काठमाडौं । सेञ्चुरी कमर्सियल बैंक लिमिटेडले आफ्नो दशौं वार्षिकोत्सव विभिन्न कार्यक्रमका साथ सम्पन्न गरेको छ । 

दशौं वार्षिकोत्सवका अवसरमा अध्यक्ष राजेशकुमार श्रेष्ठले ठूलो र मजबुत बैंकका रुपमा अघि बढिरहेको बताए । बैंकले शेयरधनीलाई उच्च प्रतिफल, संस्थागत सुशासन कायम राख्ने रकर्मचारी, नियमनकारी निकायलगायत सबै सरोकारवालाहरुको रोजाइको बैंक बनाउने उनले बताए ।

वार्षिकोत्सवको अवसरमा बैंकले काठमाडौंको गौरीघाट र बालाजु शाखाको अनलाईनमार्फत उद्घाटन गरेको छ । बैंकले १२२ शाखा, १० एक्सटेन्सन काउन्टर, २३ शाखारहित बैंकिङ्ग र ८८ एटिएममार्फत वित्तीय सेवाप्रदानगर्दै आइरहेको छ । बैंकको चुक्तापूँजी ९ अर्ब ३ करोड छ भने ८७ अर्ब ७० करोड निक्षेप परिचालन गरी ७३ अर्ब ८८ करोड ऋण प्रवाह गर्न सक्षम भएको बैंकले जनाएको छ ।