काठमाडौं । सानिमा बैंक र आईएसओएन हेल्थकेयरबीच स्वास्थ्य उपचार सुविधासम्बन्धी समझदारी भएको छ ।

समझदारीअनुसार विश्वभरका ५०० भन्दा बढी अस्पतालमा स्वास्थ्य उपचार गराउँदा सानिमा बैंकको डेबिट÷क्रेडिट कार्ड प्रयोगकर्ताले ५ देखि ७ प्रतिशतसम्म उपचार शुल्कमा छुट प्राप्त गर्न सक्नेछन् ।

आईएसओएन हेल्थकेयरअन्तर्गत भारतका अपोलो हस्पिटल, मेदान्त हस्पिटल, फोर्टिस हस्पिटल, सिंगापुरस्थित सिंगापुर जेनरल हस्पिटल, थाइल्यान्डस्थित ब्याङ्कक हस्पिटल, बुमरुनग्राड इन्टरनेसनल हस्पिटल आदिमा सानिमा बैंकका डेबिट÷क्रेडिट कार्ड प्रयोगकर्ताले सो छुट प्राप्त गर्न सकिन्छ । आईएसओएन हेल्थकेयर लिमिटेडको भारत, थाइल्यान्ड, मलेसिया, इजिप्ट, अमेरिकालगायत देशहरुका प्रतिष्ठित अस्पतालहरुसँग सम्बन्धन छ ।

समझदारीपत्रमा सानिमा बैंकको तर्फबाट प्रमुख निक्षेप अधिकृत सरोज गुरागाईं र आईएसओएन हेल्थकेयरका बिजनेस डेभलपमेन्ट प्रमुख आशीष धवनले हस्ताक्षर गरे ।