काठमाडौं । सामसङ नेपालले ग्यालेक्सी ए१२ नेपाली बजारमा प्रस्तुत गरेको छ । कम्पनीले ट्रु ४८ मेगापिक्सेल क्वाड क्यामेरा भएको सस्तो फोन उपलब्ध गराएको हो ।
सुलभ दरको ‘ए’ सिरिजको स्मार्टफोन ग्यालेक्सी ए१२ मा ६.५ इन्चको एचडी प्लस इन्फिनिटी–भी डिस्प्ले र ५००० एमएएच ब्याट्री छ । फोनमा १५ वाटको फास्ट चार्जिङ सुविधा छ ।
फोनमा आकर्षक डिजाइन छ भने हातमा लिन सजिलो तथा क्लासिक म्याट फिनिसिङ छ । ए१२ मा साइड फिंगर प्रिन्ट सेन्सर छ । मेडिया टेक हेलियो पी३५ प्रोसेसर भएको ए१२ कालो, नीलो तथा रातो रङमा उपलब्ध छ ।
४ जीबी र्याम र ६४ जीबी रोम भेरियन्टको ए१२ को १८ हजार ९९९ र ४ जीबी र्याम र १२८ जीबी रोम भेरियन्टको मूल्य १९ हजार ९९९ रुपैयाँ कायम गरिएको सामसङ नेपालले जनाएको छ ।